Kurti prezanton programin: Buxheti i Kosovës do të arrij në 3 miliardë euro

12:05 | 3 Shkurt 2020
Arbresh.info

Kandidati për kryeministër të Kosovës, Albin Kurti në seancën e sotme për formimin e Qeverisë ka filluar me prezantimit e programit të Qeverisë së re.

Ai ka thënë se realizimi i këtyre  planeve do të u përmirësoj jetën qytetarëve, shkruan arbresh.info.

“Ne do t’i kemi vetëm 15 ministri do t’i kemi vetëm 33 zëvendës ministra. Do të jemi qeveri për mbrojtjen e punëtoreve, paga minimale do të mbrohet, buxheti i Kosovës do të arrij në 3 miliardë euro, program nacional të kursimeve. Do të reduktohen shpenzimet e luksit publik, do të jemi Qeveri për bujqësi. Ne do ta riorganizojmë skemën e subvencioneve”, ka thënë ai.

Ai ka përmendur edhe ujin në lumenjtë e Kosovës.

“Në lumenjtë e Kosovës uji nuk pihet, as bagëtia e nuk e pinë këtë ujë dhe duhet të përmirësohet”, ka thënë ai.

Kujtojmë që seanca e sotme në të cilën pritet të votohet koalicioni mes Lëvizjes Vetëvendosje dhe Lidhjes Demokratike të Kosovës ka filluar me rreth një orë vonesë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm